തൃശൂര്: തൃശൂരിൽ കേന്ദ്ര മന്ത്രി സുരേഷ് ഗോപിയുടെ ഓഫിസിലേയ്ക്ക് ഡിവൈഎഫ്ഐ മാർച്ച്. കനത്ത പൊലീസ് സുരക്ഷയിലാണ് ഓഫിസിലേക്ക് മാര്ച്ച് നടക്കുന്നത്. ഓഫിസിന് കാവലായി ബിജെപി പ്രവര്ത്തകര് സ്ഥലത്ത് എത്തിയിട്ടുണ്ട്.
പൊലീസിന്റെ ബാരിക്കേട് മറിച്ചിടാന് ഡിവൈഎഫ്ഐ പ്രവര്ത്തകര് ശ്രമിച്ചു. ഇതോടെ സംഭവ സ്ഥലത്ത് സംഘര്ഷാവസ്ഥ നിലനില്ക്കുകയാണ്. പ്രവര്ത്തകര്ക്കെതിരെ പൊലീസ് ജലപീരങ്കി പ്രയോഗിച്ചു. ബാരിക്കേടിന് മുകളിലേക്ക് കടക്കാന് പ്രവര്ത്തകര് ശ്രമം നടത്തുന്നുണ്ട്.
