കൊച്ചി: ഇൻസ്ട്രമെന്റ് ബോക്സും പുസ്തകവും നഷ്ടപ്പെടുത്തിയതിന്റെ പേരിൽ മകനെ ഉപദ്രവിച്ച പിതാവ് അറസ്റ്റിൽ. കളമശ്ശേരി തോഷിബ ജംഗ്ഷനിൽ താമസിക്കുന്ന ശിവകുമാർ ആണ് അറസ്റ്റിലായത്. മകന്റെ കയ്യിൽ നിന്നും ഇൻസ്ട്രമെന്റ് ബോക്സും പുസ്തകവും കളഞ്ഞു പോയതിനെ തുടർന്ന് ഇയാൾ കുട്ടിയുടെ കൈ തല്ലി ഒടിക്കുകയായിരുന്നു. 11 വയസുകാരനായ വിദ്യാർഥിയാണ് പിതാവിന്റെ ക്രൂര മർദനത്തിന് ഇരയായത്. രണ്ട് ദിവസം മുൻപാണ് ഇയാൾ മകനെ മർദിച്ചത്. കുട്ടിയുടെ കൈക്ക് പൊട്ടലുണ്ട്. കുട്ടിയുടെ പിതാവിനെ പോലീസ് അറസ്റ്റ് ചെയ്തു. ഇയാൾ മദ്യലഹരിയിലായിരുന്നുവെന്ന് പോലീസ് പറഞ്ഞു.
