ഹൽദ്വാനി: 38-ാം ദേശീയ ഗെയിംസിൽ കേരളത്തിന് ആദ്യ മെഡൽ. നീന്തൽ താരം സാജൻ പ്രകാശിലൂടെയാണ് മെഡൽ നേട്ടം. 200 മീറ്റർ ഫ്രീസ്റ്റൈൽ,100 മീറ്റർ ബട്ടർഫ്ലൈ ഇനങ്ങളിൽ സാജൻ പ്രകാശ് വെങ്കലം നേടി. 200 മീറ്റർ ഫ്രീ സ്റ്റൈലിൽ ഒരു മിനിറ്റ് 53.73 സെക്കൻഡിൽ ഫിനിഷ് ചെയ്താണ് സാജൻ മൂന്നാമതെത്തിയത്. ഈ ഇനത്തിൽ കർണാടകയുടെ ശ്രീഹരി നടരാജനും എസ്. അനിഷ് ഗൗഡയും യഥാക്രമം സ്വർണവും വെള്ളിയും നേടി.
അരമണിക്കൂറിനകം നടന്ന 100 മീറ്റർ ബട്ടർഫ്ലൈയിൽ സ്വർണ പ്രതീക്ഷയുണ്ടായിരുന്ന സ്ഥാനത്താണ് സാജൻ മൂന്നാം സ്ഥാനത്തേക്കു പിന്തള്ളപ്പെട്ടത്. സമയം 54.52 സെക്കൻഡ്. ഈ ഇനത്തിൽ തമിഴ്നാടിൻ്റെ രോഹിത് ബെനഡിക്ഷൻ സ്വർണവും മഹാരാഷ്ട്രയുടെ അംബ്രെ മിഹിർ വെള്ളിയും നേടി
