കൊച്ചി: നഗരത്തിൽ വിവിധയിടങ്ങളിലായി നടത്തിയ പരിശോധനയിൽ മയക്കുമരുന്നുമായി സ്ത്രീകളടക്കം നാലുപേർ പിടിയിലായി. അസം സ്വദേശികളായ രബീന്ദ്ര ഗോഗോയ് (27), മോനി കോൻവർ ഗോഗോയി (38) എന്നിവരാണ് പിടിയിലായത്.
കൊച്ചി സിറ്റി ഡാൻസാഫ് സംഘം കാക്കനാട് ഐ.എം.ജി ജങ്ഷൻ ഡിവൈൻ വില്ലേജ് റോഡിൽ നടത്തിയ പരിശോധനയിലാണ് സംഘം പിടിയിലായത്. ഇവരിൽനിന്ന് 86.337 ഗ്രാം ബ്രൗൺ ഷുഗറും 161.28 ഗ്രാം കഞ്ചാവും പിടിച്ചെടുത്തു.
ഹൈകോടതി ഭാഗത്തെ റെസിഡൻസിയിൽ ഡാൻസാഫ് നടത്തിയ പരിശോധനയിൽ എറണാകുളം വടുതല സ്വദേശി പി.എസ്. അൻസൽ (31), കൊല്ലം മങ്ങാട് സ്വദേശി ഹരിത (26) എന്നിവരും അറസ്റ്റിലായി. 1.379 ഗ്രാം എം.ഡി.എം.എ ഇവരിൽനിന്ന് പിടികൂടി.
