തിരുവനന്തപുരം : ഹിന്ദുസ്ഥാൻ ലാറ്റക്സ് ജീവനക്കാരുടെ കുടിശ്ശിക ആനുകൂല്യങ്ങൾ ഉടൻ വിതരണം ചെയ്യണമെന്ന് എ ഐ ടി യു സി ദേശീയ സമിതി അംഗവും ജില്ലാ സെക്രട്ടറിയുമായ മീനാങ്കൽ കുമാർ ആവശ്യപ്പെട്ടു. എ ഐ ടി യു സി, ഐ എൻ ടി യു സി സംയുക്തമായി ഹിന്ദുസ്ഥാൻ ലാറ്റക്സ് ഹെഡ് ഓഫീസിനു മുന്നിൽ നടത്തിയ ധരണയിൽ അധ്യക്ഷത വഹിച്ചു സംസാരിക്കുകയായിരുന്നു അദ്ദേഹം. 2017 മുതൽ ലാറ്റക്സ് ജീവനക്കാർക്ക് ഉള്ള ആനുകൂല്യങ്ങളുടെ കുടിശ്ശിക വിതരണം ചെയ്യാത്തതിലുള്ള മാനേജ്മെന്റിന്റെ നടപടി ഒരിക്കലും അംഗീകരിക്കാൻ കഴിയുന്നതല്ലെന്നും അദ്ദേഹം കൂട്ടിച്ചേർത്തു. തൊഴിലാളികളുടെ മെച്ചപ്പെട്ട പ്രവർത്തനത്തിലൂടെയും കഠിനാധ്വാനത്തിലും കൂടെയാണ് ഈ പൊതുമേഖലാ സ്ഥാപനം ലാഭത്തിൽ പ്രവർത്തിക്കുന്നത്. സ്ഥാപനം ജീവനക്കാരോട് കാണിക്കുന്ന ഈ അനീതി ഒരിക്കലും ന്യായീകരിക്കാൻ പറ്റാത്തതാണ് എന്നും അദ്ദേഹം കൂട്ടിച്ചേർത്തു. ജീവനക്കാരുമായി ഉണ്ടാക്കിയ കരാറിൻ പ്രകാരമുള്ള ആനുകൂല്യങ്ങൾ നൽകാത്തതും തടഞ്ഞുവെക്കുന്നതും ജീവനക്കാരോട് കാണിക്കുന്ന അനീതിയാണ്. ആയതിനാൽ ഉടൻതന്നെ പിടിച്ചു വച്ചിരിക്കുന്ന എല്ലാ ആനുകൂല്യങ്ങളും അരിയറുകളും ഉടൻ തന്നെ നൽകണമെന്നും സംയുക്ത സമരസമിതി ആവശ്യപ്പെട്ടു. അല്ലാത്തപക്ഷം ശക്തമായ പ്രക്ഷോഭ സമര പരിപാടികൾ നടത്താൻ ആലോചിക്കുമെന്നും സംയുക്ത സമര സമിതി യുടെ ഹിന്ദുസ്ഥാൻ ഓഫീസിനു മുന്നിലെ ധാരണ ഉദ്ഘാടനം ചെയ്തുകൊണ്ട് ഐഎൻടിയുസി ദേശീയ ഓർഗനൈസിങ് സെക്രട്ടറി വി ആർ പ്രതാപൻ സംസാരിച്ചു. ധരണയിൽ നൗഷാദ് കൈപ്പാടി സ്വാഗതം പറഞ്ഞു. വട്ടിയൂർക്കാവ് ശ്രീകുമാർ ബാബു, രജനി, സുജിത് എം എസ് എന്നിവർ സംസാരിച്ചു.
