പത്തനംതിട്ട തീയ്യാടിക്കലിൽ അച്ഛനെ ക്രൂരമായി മർദ്ദിച്ച് മകൻ. മർദ്ദനമേറ്റ 76 കാരൻ പാപ്പച്ചൻ കോട്ടയം മെഡിക്കൽ കോളേജ് ആശുപത്രിയിൽ ചികിത്സയിലാണ്. മകൻ ജോൺസനാണ് പാപ്പച്ചനെ മർദ്ദിച്ചത്. വ്യാഴാഴ്ച്ച ഉച്ചയ്ക്ക് ആയിരുന്നു സംഭവം. മദ്യലഹരിയിൽ ആയിരുന്നു മകൻ പാപ്പച്ചനെ മർദിച്ചതെന്ന് നാട്ടുകാർ. പൊലീസ് എത്തിയാണ് പാപ്പച്ചനെ ആശുപത്രിയിൽ കൊണ്ടുപോയത്. സംഭവത്തിൽ പൊലീസ് കേസെടുത്തിട്ടില്ല. രേഖാമൂലം പരാതി വേണമെന്നാണ് പെരുംമ്പെട്ടി പൊലീസ് പറയുന്നത്. പാപ്പച്ചനെ മകൻ മർദിക്കുന്നതിന്റെ ദൃശ്യങ്ങൾ പുറത്തുവന്നിട്ടുണ്ട്.
