തിരുവനന്തപുരം: മലയാള സിനിമയിലെ പ്രമുഖ ചിത്ര സംയോജകൻ കെ. പി ഹരിഹരപുത്രൻ (79) അന്തരിച്ചു. 50 വർഷക്കാലമായി സിനിമയിൽ സജീവമായിരുന്ന ഹരിഹരപുത്രൻ 80 സിനിമകളിലധികം പ്രവർത്തിച്ചിട്ടുണ്ട്.
1979 ൽ പുറത്തിറങ്ങിയ സിനിമയിലാണ് ആദ്യം പ്രവർത്തിച്ചത്. തുടർന്ന് സുഖമോ ദേവി, പഞ്ചാബി ഹൗസ്, മായാവി, പാണ്ടിപ്പട, വടക്കുംനാഥൻ, ചോക്ലേറ്റ്, ചതിക്കാത്ത ചന്തു തുടങ്ങി നിരവധി ഹിറ്റ് സിനിമകളുടെ എഡിറ്റർ ആയിരുന്നു കെ പി ഹരിഹര പുത്രൻ.
മലയാള ചലച്ചിത്രരംഗത്ത് അസിസ്റ്റന്റ് എഡിറ്റർ, അസോസിയേറ്റ് എഡിറ്റർ, എഡിറ്റർ, എന്നീ നിലകളിൽ അദ്ദേഹം പ്രവർത്തിച്ചിട്ടുണ്ട്.
തിരുവനന്തപുരത്തെ വസതിയിൽ വച്ചായിരുന്നു അന്ത്യം. സംസ്കാരം ഇന്ന് ഉച്ചയ്ക്ക് രണ്ട് മണിയ്ക്ക് തൈക്കാട് ശാന്തി കവാടത്തിൽ .
