കോട്ടയം: മുണ്ടക്കയത്തിന് സമീപം പുലിയെ കണ്ടതായി നാട്ടുകാർ. പുലിയുടെ കൈവശമുള്ള പങ്ങണയിലാണ്. ഇന്ന് പുലർച്ചെയായിരുന്നു സംഭവം. വിവരമറിഞ്ഞ് കണ്ടെത്തിയ വനം വകുപ്പ് ഉദ്യോഗസ്ഥർ പ്രദേശത്ത് പരിശോധന തുടരുകയാണ്. പുലിയുടേതെന്ന് സംശയിക്കുന്ന തരത്തിലുള്ള കാൽപ്പാടുകളും സ്ഥലത്ത് നിന്ന് കണ്ടെത്തി. ഇത് പുലിയുടേത് തന്നെയാണോ എന്ന് ഉറപ്പ് വരുത്താനുള്ള അന്വേഷണമാണ് ഇപ്പോൾ പുരോഗമിക്കുന്നത്.
പ്രദേശത്തെ സിസിടിവി ദൃശ്യങ്ങൾ കേന്ദ്രീകരിച്ചും അന്വേഷണം നടത്തും. ഇന്ന് പുലർച്ചെ പൈങ്ങന വൈഡബ്ല്യുസിഎ സ്കൂളിനു സമീപം ലോറിയും കാറും കൂട്ടിയിടിച്ച് അപകടം ഉണ്ടായിരുന്നു. പിന്നീട് ഇവിടെ കൂടി നിന്നിരുന്ന ആളുകളാണ് പുലിറോഡ് മുറിച്ച് കടക്കുന്നതായി കണ്ടത്. മുണ്ടക്കയം പ്രദേശത്ത് നിന്നും ഒരു കിലോമീറ്റർ മാത്രമാണ് പൈങ്ങണയ്ക്കുള്ള ദൂരം. കാട്ടുപന്നികളുടെ ശല്യം പ്രദേശത്ത് വ്യാപകമായി തുടരുന്ന സാഹചര്യത്തിലാണ് ഇപ്പോൾ പുലിയുടെ സാന്നിധ്യവും കണ്ടെത്തിയത്.
