തിരുവനന്തപുരം: വനിതാ ഹോസ്റ്റലിന് സമീപം നഗ്നതാ പ്രദർശനം നടത്തിയ ആൾ പോലീസ് പിടിയിൽ. ഒറ്റശേഖരമംഗലം മണ്ഡപത്തിൻകടവിൽ കക്കാട് ആർ.സി ചർച്ചിന് സമീപം കുന്നുവിള പുത്തൻവീട്ടിൽ വിനോദാണ് (35) അറസ്റ്റിലായത്. തമ്പാനൂർ എസ്.എസ് കോവിൽ റോഡിൽ നിന്ന് മാഞ്ഞാലിക്കുളം റോഡിലേക്ക് പോകുന്ന ശ്രീമൂലം ലെയിനിലെ വനിതാ ഹോസ്റ്റലിന്റെ പരിസരത്തു വെച്ചായിരുന്നു തമ്പാനൂർ പോലീസ് ഇയാളെ പിടികൂടിയത്.
വനിതാ ഹോസ്റ്റലിന് സമീപം നിന്ന ഇയാൾ ആ വഴി വന്ന ആളുകൾക്ക് നേരെ നഗ്നതാ പ്രദർശനം നടത്തുകയായിരുന്നു. ഹോസ്റ്റലിൽ നിന്ന് പോലീസിന് പരാതി നൽകിയതോടെയാണ് ഇയാളെ പിടികൂടിയത്. പ്രതി മാനസിക പ്രശ്‍നങ്ങളുള്ള ആളല്ലെന്നും ഇയാൾക്ക് ഭാര്യയും മക്കളുമുണ്ടെന്നും പോലീസ് പറഞ്ഞു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
