കോഴിക്കോട്: കഞ്ചാവുമായി യുവാവ് എക്സൈസിന്റെ പിടിയിൽ. ചേനോളി കണ്ണമ്പത്ത്പാറ താമസിക്കുന്ന കല്പത്തൂര് നടുവിലിടത്തില് വിഷ്ണുവര്ധന് (24) ആണ് പിടിയിലായത്. പേരാമ്പ്ര ടൗണില് വെച്ചാണ് യുവാവ് പിടിയിലായത്.
പേരാമ്പ്ര എക്സൈസ് സര്ക്കിള് ഇന്സ്പെക്ടര് പി പി ജനാര്ദ്ധനന്, അസി. എക്സൈസ് ഇന്സ്പെക്ടര് (ഗ്രേഡ്) സി പി ഷാജി, സി ഇ ഒമാരായ അനൂപ് കുമാര്, എം പി ഷബീര് എന്നിവരുള്പ്പെട്ട സംഘമാണ് വിഷ്ണുവിനെ പിടികൂടിയത്.
