തൊടിയിൽ പാമ്പുണ്ടെന്ന് തെറ്റിദ്ധരിപ്പിച്ച് വയോധികയെ വെളിയിൽ ഇറക്കി മാല പൊട്ടിച്ചോടി മോഷ്ടാവ്
കോതമംഗലം : ഇല്ലാത്ത പാമ്പിനെ കാണാൻ മുറ്റത്ത് വിളിച്ചിറക്കിയ ശേഷം വൃദ്ധയുടെ മാല പൊട്ടിച്ചോടി യുവാവ്.കോതമംഗലത്ത് ആണ് സംഭവം.പുതുപ്പാടി സ്വദേശിനി വാഴാട്ടിൽ വീട്ടിൽ എൺപതുകാരിയായ ഏലിയാമ്മയുടെ ഒന്നര പവൻ സ്വർണമാലയാണ് യുവാവ് പൊട്ടിച്ചോടിയത്. കഴുത്തിൽ നിന്ന് മാല വലിച്ചു പൊട്ടിച്ച ആഘാതത്തിൽ ഏലിയാമ്മ തലയടിച്ചു വീണു. മോഷ്ടാവിനെ കണ്ടെത്താൻ സിസിടിവി ദൃശ്യങ്ങൾ കേന്ദ്രീകരിച്ച് പോലീസ് അന്വേഷണം ആരംഭിച്ചു.ഇന്നലെ വൈകീട്ട് അഞ്ചോടെയോടെയാണ് സംഭവം. വീടിന് പുറകിലെ പറമ്പിലേക്ക് യുവാവ് കൈ ചൂണ്ടിക്കാണിച്ചതോടെ, ഏലിയാമ്മ പാമ്പിനെ തിരയാനായി അങ്ങോട്ട് നടന്നു….
