വിവാഹമോചനത്തിന് നോട്ടീസയച്ചതിന് ഭാര്യയെ ഭര്ത്താവ് നടുറോഡില് വെടിവെച്ച് കൊന്നു
ബെംഗളൂരു: വിവാഹമോചനത്തിന് നോട്ടീസയച്ചതിന് പിന്നാലെ ഭാര്യയെ വെടിവെച്ച് കൊന്ന് ഭര്ത്താവ്. ബെംഗളൂരു ബസവേശ്വര സ്വദേശി ഭുവനേശ്വരിയാണ് കൊല്ലപ്പെട്ടത്. ഭര്ത്താവ് ബാലമുരുകന് പൊലീസില് കീഴടങ്ങി. അഞ്ച് തവണയാണ് ബാലമുരുകന് വെടിയുതിര്ത്തത്. കഴിഞ്ഞ ഒന്നര വര്ഷമായി ഇരുവരും പിരിഞ്ഞ് താമസിക്കുകയായിരുന്നു. യൂണിയന് ബാങ്ക് ഓഫ് ഇന്ത്യയുടെ ബസവേശ്വരനഗര് അസിസ്റ്റന്റ് മാനേജറായിരുന്നു 39-കാരിയായ ഭുവനേശ്വരി. രണ്ടുമക്കളോടൊപ്പം ഇവര് രാജാജിനഗറിലായിരുന്നു താമസം. ഇന്നലെ വൈകുന്നേരം ആറരയോടെ ബാങ്കില് നിന്ന് വീട്ടിലേക്ക് മടങ്ങുന്നതിനിടെയാണ് യുവതിക്കുനേരെ ഭര്ത്താവ് ബാലമുരുകന് വെടിയുതിര്ത്തത്. തലയ്ക്കും കൈയ്ക്കും വെടിയേറ്റ ഭുവനേശ്വരിയെ…
