ഇടുക്കിയിൽ നിന്നും കാണാതായ സ്കൂൾ വിദ്യാർഥികൾ തമിഴ്നാട്ടിൽ എത്തിയതായി സൂചന. തമിഴ്നാട് ബോഡി നായ്ക്കന്നൂരിൽ കുട്ടികൾ എത്തിയതിന്‍റെ സിസിടിവി ദൃശ്യങ്ങൾ പൊലീസിന് ലഭിച്ചു. രാജകുമാരിയിൽ നിന്നുമാണ് ഒൻപതാം ക്ലാസ്സിൽ പഠിക്കുന്ന മൂന്ന് വിദ്യാർത്ഥികളെ കാണാതായത്. ഇവർ തമിഴ്നാട്ടിൽ എത്തിയതായി പോലീസിന് ദൃശ്യങ്ങൾ ലഭിച്ചിട്ടുണ്ട്.
കുട്ടികൾ ബോഡി നായ്ക്കന്നൂരിൽ നിന്ന് ട്രെയിൻ മാര്‍ഗം ചെന്നൈയിലേക്ക് പോവുകയായിരുന്നു. ഞായറാഴ്ച ഉച്ചമുതൽ ആണ് മൂന്നു കുട്ടികളെയും കാണാതായത്. ഈ ദൃശ്യങ്ങള്‍ കേന്ദ്രീകരിച്ചാണ് അന്വേഷണം. വിദ്യാർഥികൾ വീട്ടിൽ കത്തെഴുതി വെച്ചിട്ടാണ് പുറപ്പെട്ടത്. പോലീസ് അന്വേഷണം ഊർജിതമാക്കി.
