തൃശൂർ : ബസ് യാത്രയ്ക്കിടെ യുവതിക്ക് നേരെ ലൈംഗിക അതിക്രമം. പ്രതിയെ പിടികൂടി വടക്കേകാട് പൊലീസ് മാളപ്പള്ളിപ്പുറം തേമാലിപറമ്പിൽ ഇയാളെ കോടതി റിമാൻഡ് ചെയ്തു. കഴിഞ്ഞ ദിവസം വൈകുന്നേരം കുന്നംകുളം – വെളിയങ്കോട് റൂട്ടിലെ സ്വകാര്യ ബസിലാണ് സംഭവം. ബസ്സിൽ യാത്ര ചെയ്യുകയായിരുന്നു വെളിയങ്കോട് സ്വദേശിയായ യുവതി. യുവതി പ്രതികരിച്ചപ്പോൾ ഇയാൾ ബസിൽ നിന്ന് ഇറങ്ങി രക്ഷപ്പെടാൻ ശ്രമിച്ചെങ്കിലും ബസ് ജീവനക്കാരും യാത്രക്കാരും ചേർന്ന് പൊലീസിൽ ഏൽപ്പിച്ചു.
ഇയാൾക്കെതിരെ മാള സ്റ്റേഷനിൽ സ്ത്രീപീഡന കേസ് ഉണ്ടെന്ന് പൊലീസ് വ്യക്തമാക്കി. എറണാകുളം പള്ളുരുത്തി സ്വദേശിയായ ഇയാൾ മലയിലാണ് താമസം. എവിടേയ്ക്ക് ആണ് പോയിരുന്നത് എന്ന ചോദ്യത്തിന് പരസ്പര വിരുദ്ധമായ മറുപടിയാണ് പറഞ്ഞത്. എസ് ഐമാരായ സി എൻ ഗോപിനാഥൻ, പി എ സുധീർ, പി എസ് സാബു, സി പി ഒമാരായ കെ സി ബിനീഷ്, അനൂപ് എന്നിവരുടെ നേതൃത്വത്തിലാണ് പ്രതിയെ അറസ്റ്റ് ചെയ്തത്.
