സംസ്ഥാനത്ത് ഇന്ന് സ്വർണ വിലയിൽ നേരിയ ആശ്വാസം. ഇന്ന് സ്വർണം പവൻ 360 രൂപയും ഗ്രാമിന് 45 രൂപയുമാണ് കുറഞ്ഞത്. കഴിഞ്ഞ രണ്ട് ദിവസത്തിനിടെ 1000 രൂപ വർദ്ധിച്ച വിലയിൽ ഇന്ന് നേരിയ കുറവാണ് രേഖപ്പെടുത്തിയിരിക്കുന്നത്. 64,160 രൂപയാണ് ഇന്ന് ഒരു പവൻ സ്വർണത്തിന് നൽകേണ്ടത്. 8,020 രൂപയാണ് ഇന്ന് ഒരു ഗ്രാം സ്വർണത്തിന് നൽകേണ്ടത്.
മാർച്ച് മാസം ആരംഭിച്ചതിന് ശേഷം രണ്ട് ദിവസത്തിനിടെ ആയിരം രൂപ വർദ്ധിച്ചത് ആദ്യമായായിരുന്നു. ഇന്നലെയാണ് ഈ മാസത്തെ ഏറ്റവും ഉയർന്ന നിരക്കിൽ സ്വർണ വിപണിയെത്തിയത്. അതേസമയം വെള്ളിവിലയും കുറഞ്ഞിട്ടുണ്ട്. 105.90 രൂപ ഒരു ഗ്രാം വെള്ളിക്ക് നൽകേണ്ടത്. ഒരു കിലോ വെള്ളിയുടെ വില 1,05,900 രൂപ.
ലോകത്തെ ഏറ്റവും വലിയ സ്വർണമാണ് ഇന്ത്യ. ഓരോ വർഷവും ടൺ കണക്കിന് സ്വർണം ഇറക്കുമതി ചെയ്യപ്പെടുന്നു. രാജ്യാന്തര വിപണിയിലെ ചലനങ്ങൾക്ക് അനുസരിച്ചാണ് രാജ്യത്തെ സ്വർണവില നിശ്ചയിക്കുന്നത്. ഡോളർ – രൂപ വിനിമയ നിരക്ക്, ഇറക്കുമതി തീരുവ എന്നിവയും സ്വർണവിലയെ സ്വാധീനിക്കുന്ന ഘടകങ്ങളാണ്.
