ഉത്സവത്തോടനുബന്ധിച്ച് ക്ഷേത്രത്തിൽ നടത്തിയ കഞ്ഞി സദ്യ കഴിച്ചവർക്ക് ഭക്ഷ്യവിഷബാധ
തിരുവനന്തപുരം: ഉത്സവത്തോടനുബന്ധിച്ച് ക്ഷേത്രത്തിൽ നടത്തിയ കഞ്ഞി സദ്യ കഴിച്ചവർക്ക് ഭക്ഷ്യവിഷബാധ. വർക്കല വിളഭാഗം അമ്മൻ നട ദേവീ ക്ഷേത്രത്തിലാണ് സംഭവം. നൂറിലധികം പേരാണ് ദേഹാസ്വാസ്ഥ്യത്തെ തുടർന്ന് ചികിത്സ തേടിയത്. സദ്യ കഴിച്ചവർക്ക് രണ്ട് ദിവസത്തിന് ശേഷമാണ് വിഷബാധയുടെ ലക്ഷണങ്ങൾ ഉണ്ടായത്. കടുത്ത ഛർദ്ദിയും വയറിളക്കവും പനിയും ശരീരം തളർച്ചയുമായാണ് ഭൂരിഭാഗം പേർക്കും അനുഭവപ്പെട്ടത്. ആരുടെയും നില ഗുരുതരമല്ല. സംഭവത്തിൽ പോലീസ് വിശദമായി അന്വേഷണം നടത്തി വരികയാണ്. കടുത്ത ഛർദ്ദിയും വയറിളക്കവും അനുഭവപ്പെട്ടതിനാൽ വർക്കല താലൂക്ക് ആശുപത്രിയിൽ മാത്രമായി…