മയക്കുമരുന്നുണ്ടെന്ന് രഹസ്യവിവരം കിട്ടി; അന്വേഷിക്കാനെത്തിയ പോലീസ് പിടിച്ചെടുത്തത് ഇരുന്നൂറോളം ഗ്യാസ് സിലിണ്ടറുകൾ
കാസർകോട്: മയക്കുമരുന്ന് സൂക്ഷിച്ചിട്ടുണ്ടെന്ന് രഹസ്യ വിവരം ലഭിച്ചതിനെ തുടർന്ന് അന്വേഷിച്ചെത്തിയ പോലീസ് ചെങ്കള ചേറൂരിൽ അനധികൃതമായി സൂക്ഷിച്ച 200 ഗ്യാസ് സിലിണ്ടറുകൾ പിടികൂടി. എം വി സക്കറിയ്യയുടെ വീട്ടിൽ നിന്നാണ് 40 കൊമേഴ്സ്യൽ സിലിണ്ടറുകളും 160 ഗാർഹിക ഗ്യാസ് സിലിണ്ടറുകളും പിടിച്ചെടുത്തത്. ഭാരത് ഗ്യാസ്, എച്ച് പി എന്നിവയുടെ ഗ്യാസ് സിലിണ്ടറുകളാണ് പിടികൂടിയത്. മയക്കുമരുന്ന് സൂക്ഷിച്ചിട്ടുണ്ടെന്ന് രഹസ്യ വിവരം ലഭിച്ചതിനെ തുടർന്ന് പോലീസ് പരിശോധിക്കാൻ എത്തിയപ്പോൾ ഗ്യാസ് സിലിണ്ടറുകൾ കണ്ടെത്തുകയായിരുന്നു