ജീവപര്യന്തം ശിക്ഷ: ഇളവില്ലാതെ ശിക്ഷ വിധിക്കാന് സെഷന്സ് കോടതികള്ക്ക് അധികാരമില്ല: സുപ്രീംകോടതി
ന്യൂഡല്ഹി: പ്രതികള്ക്ക് ജീവിതാവസാനം വരെ ഇളവില്ലാതെയുള്ള ജീവപര്യന്തം തടവുശിക്ഷ വിധിക്കാന് സെഷന്സ് കോടതികള്ക്ക് അധികാരമില്ലെന്ന് സുപ്രീംകോടതി. വിചാരണക്കോടതി ശിക്ഷ ശരിവച്ച കര്ണാടക ഹൈക്കോടതിയുടെ ഉത്തരവ് തള്ളിയാണ് സുപ്രീംകോടതിയുടെ നിരീക്ഷണം. കിരണ് വേഴ്സസ് ദി സ്റ്റേറ്റ് ഓഫ് കര്ണാടക എന്ന കേസിലാണ് സുപ്രധാന വിധി സുപ്രീംകോടതി പുറപ്പെടുവിച്ചത്. ഇളവില്ലാത്ത ജീവപര്യന്തം വിധിക്കാന് ഭരണഘടനാകോടതികള്ക്ക് (സുപ്രീം കോടതി, ഹൈക്കോടതി) മാത്രമാണ് അധികാരമെന്നും ജസ്റ്റിസുമാരായ എ. അമാനുള്ള, കെ. വിനോദ് ചന്ദ്രന് എന്നിവരുടെ ബെഞ്ച് വ്യക്തമാക്കി. ജീവപര്യന്തം തടവ് എന്നതിന്റെ അര്ഥം…