പാലക്കാട് റെയില്‍വേ ഡിവിഷന്‍ അടച്ചുപൂട്ടൽ തീരുമാനം; കേന്ദ്രത്തിന്റെ കേരളത്തോടുള്ള അവഗണനയുടെയും പ്രതികാര ബുദ്ധിയുടെയും ഉദാഹരണമെന്ന് അബ്ദു റഹിമാന്‍
തിരുവനന്തപുരം: പാലക്കാട് റയിൽവേ ഡിവിഷൻ അടച്ചുപൂട്ടാനുള്ള തീരുമാനത്തിന് പിന്നിൽ കേന്ദ്രത്തിന് കേരളത്തോടുള്ള അവഗണയും പ്രതികാരബുദ്ധിയുമാണെന്ന് മന്ത്രി വി അബ്ദു റഹിമാൻ. തീരുമാനത്തിൽ നിന്നും റയിൽവേ മന്ത്രാലയം പിന്മാറണമെന്നും ഇക്കാര്യം ആവശ്യപ്പെട്ട് കേന്ദ്ര റയിൽവേ മന്ത്രിക്ക് കത്തെഴുതിയതായും അബ്ദു റഹിമാൻ പറഞ്ഞു. ”കേന്ദ്ര സര്‍ക്കാര്‍ കേരളത്തോട് തുടരുന്ന അവഗണനയുടെയും പ്രതികാരബുദ്ധിയുടെയും മറ്റൊരു ഉദാഹരണമാണ് റെയില്‍വേ ഡിവിഷന്‍ ഇല്ലാതാക്കല്‍. യാത്രക്കാരുടെ എണ്ണത്തിലും വരുമാനത്തിലും ഏറെ മുന്നിലാണ് പാലക്കാട് ഡിവിഷന്‍. ഒരു പോരായ്മകളും ചൂണ്ടിക്കാണിക്കാനില്ലാതിരുന്നിട്ടും ഈ ഡിവിഷന്‍ നിര്‍ത്തലാക്കുന്നത് കേരളത്തിനെതിരായ ഗൂഢനീക്കമാണ്….