റഷ്യൻ കൂലി പട്ടാളത്തിൽ ചേർന്ന 12 ഇന്ത്യക്കാർ കൊല്ലപ്പെട്ടതായി സ്ഥിരീകരിച്ചു കേന്ദ്ര വിദേശകാര്യ മന്ത്രാലയം
റഷ്യൻ സൈന്യത്തിലുണ്ടായിരുന്ന 12 ഇന്ത്യക്കാർ കൊല്ലപ്പെട്ടതായി സ്ഥിരീകരിച്ചു കേന്ദ്ര വിദേശകാര്യ മന്ത്രാലയം. 16 ഇന്ത്യക്കാരെ കാണാതായിട്ടുമുണ്ട്. ഇവരെ കുറിച്ച് വിവരമൊന്നുമില്ല. 96 പേർ രാജ്യത്ത് തിരിച്ചെത്തി. റഷ്യൻ സൈന്യത്തില് പെട്ടു പോയ എല്ലാവരെയും തിരിച്ചുകൊണ്ടുവരാനുള്ള ശ്രമങ്ങൾ ഊർജിതമായി നടന്നുവരികയാണെന്ന് വിദേശകാര്യ വക്താവ് രൺ ധീർ ജയ്സ്വാൽ അറിയിച്ചു. കൊല്ലപ്പെട്ട ബിനിൽ ബാബുവിൻ്റെ മൃതദേഹം എത്തിക്കാൻ ശ്രമം നടന്നുവരികയാണെന്നും വിദേശകാര്യ മന്ത്രാലയം അറിയിച്ചു. റഷ്യയിൽ ചികിത്സയിലുള്ള ഇന്ത്യൻ പൗരനെ സുഖപ്പെടുത്തിയ ഉടൻ ഇന്ത്യയിൽ മടങ്ങിയെത്തുമെന്നും രൺധിർ ജയ്സ്വാൽ പറഞ്ഞു….