നിയമ വിദ്യാർഥിനിയുടെ ആത്മഹത്യ; ഡിവൈഎഫ് ഐ നേതാവ് അറസ്റ്റിൽ
ആലപ്പുഴ കാവാലത്ത് നിയമ വിദ്യാർഥിനി ആതിര തിലകൻ ആത്മഹത്യ ചെയ്ത സംഭവത്തിൽ ഡിവൈഎഫ്ഐ നേതാവ് അറസ്റ്റിൽ. ഡിവൈഎഫ്ഐ കാവാലം മേഖലാ സെക്രട്ടറിയും സിപിഎം ലോക്കൽ കമ്മിറ്റി അംഗവുമായ പിഎൻ അനന്തുവിനെയാണ് കൈനടി പൊലീസ് അറസ്റ്റ് ചെയ്തത്. ആത്മഹത്യാപ്രേരണ, സ്ത്രീത്വത്തെ അപമാനിക്കൽ, ശാരീരിക പീഡനം തുടങ്ങിയ കുറ്റങ്ങൾ ചുമത്തിയാണ് അറസ്റ്റ്. കഴിഞ്ഞ ജനുവരി 5നാണ് ഡിവൈഎഫ്ഐ മേഖലാ കമ്മിറ്റി അംഗം കൂടിയായ ആതിര ആത്മഹത്യ ചെയ്തത്.