തിരുവനന്തപുരം: കലോത്സവ വേദിയിലെ ഊട്ടുപുര സന്ദർശിച്ച് പ്രവർത്തനങ്ങൾ വിലയിരുത്തി മുഖ്യമന്ത്രി പിണറായി വിജയൻ. മന്ത്രിമാരായ വി.ശിവൻകുട്ടി, ജി.ആർ അനിൽ തുടങ്ങിയവർക്കൊപ്പമാണ് മുഖ്യമന്ത്രി എത്തിയത്. ഭക്ഷണം കഴിക്കുന്ന കുട്ടികളോട് കുശലം പറഞ്ഞാണ് മുഖ്യമന്ത്രി ഊട്ടുപുരയിലേക്ക് എത്തിയത്. ഡ്യൂട്ടിയിൽ ഉണ്ടായിരുന്ന അധ്യാപകരോടും കാഴ്ചക്കാരോടും അദ്ദേഹം വിശേഷങ്ങൾ തിരക്കി. ഭക്ഷണ ക്രമീകരണങ്ങൾ സംബന്ധിച്ച് പഴയിടം മോഹനൻ നമ്പൂതിരിയുമായി സംസാരിച്ച ശേഷം പഴയിടം തയ്യാറാക്കിയ പായസം രുചിച്ചു നോക്കിയാണ് മുഖ്യമന്ത്രി മടങ്ങിയത്.
