കൊച്ചി: എറണാകുളം കാലടിയിൽ പനി ബാധിച്ചു മരിച്ച സ്കൂൾ വിദ്യാർത്ഥിനിയുടെ വീടിൻ്റെ സമീപത്തെ വീട്ടിലെ ചത്ത നായക്ക് പേവിഷബാധ സ്ഥിരീകരിച്ചു. ഇതോടുകൂടി പെൺകുട്ടിയുടെ മരണം സംഭവിച്ചത് പേവിഷ ബാധയേറ്റെന്ന് സംശയം. ഇക്കാര്യത്തിൽ വ്യക്തത തേടിയിരിക്കുകയാണ് ആരോഗ്യവകുപ്പ്. കുട്ടിയുടെ പോസ്റ്റ്മോർട്ടം റിപ്പോർട്ട് കിട്ടിയാൽ മാത്രമേ മരണ കാരണം സ്ഥിരീകരിക്കാനാകൂ.
ശനിയാഴ്ചയാണ് പടയാട്ടിൽ ഷിജുവിൻ്റെ മകൾ ജനിറ്റ പനി ബാധിച്ച് ചികിത്സയിലിരിക്കെ മരിച്ചത്. അന്നേ ദിവസം തന്നെയാണ് നായയും ചത്തത്. തുടർന്ന് നടത്തിയ തുടർന്ന് നടത്തിയ സ്രവ പരിശോധനയിലാണ് നായക്ക് പേവിഷബാധ സ്ഥിരീകരിച്ചത്.
