തിരുവനന്തപുരം :പൂങ്കുളത്ത് മകളെ ശല്യം ചെയ്തത് വിലക്കിയതിന്റെ പേരിൽ 46 വയസുകാരനെ വെട്ടിപ്പരിക്കേല്പിച്ച കേസിൽ രണ്ട് പേർ പിടിയിൽ. കേസിലെ രണ്ടാം പ്രതി പാപ്പി എന്ന സുജിത്ത് (22) മൂന്നാം പ്രതി അച്ചു (21) എന്നിവരാണ് അറസ്റ്റിലായത്.
പൂങ്കുളം ചാമുണ്ഡി ക്ഷേത്രത്തിനു സമീപം വയൽക്കര വീട്ടിൽ സുരേഷ് എന്ന 46 വയസുകാരനെയാണ് അഞ്ചംഗ സംഘം ആക്രമിച്ചത്. ഇക്കഴിഞ്ഞ ഏഴാം തീയ്യതി പൂങ്കുളത്തെ ടർഫിനടുത്ത് വച്ചാണ് പ്രതികൾ സുരേഷിനെ തലയിൽ വെട്ടി പരിക്കേൽപ്പിച്ചത്. കേസിൽ ഒന്നാം പ്രതിയടക്കം മൂന്ന് പേരെ കൂടി പിടികിട്ടാനുണ്ടെന്ന് കോവളം പൊലീസ് പറഞ്ഞു.
