കൊച്ചി: ആറ്റുകാൽ പൊങ്കാലയുമായി ബന്ധപ്പെട്ട് തിരുവനന്തപുരം നഗരത്തിൽ ഫ്ലക്സ് ബോർഡുകൾ സ്ഥാപിച്ചതിനെതിരെ ഹൈക്കോടതിയുടെ വിമർശനം. അനധികൃതമായി സ്ഥാപിച്ച ബോർഡുകൾ ഉടൻ എടുത്തുമാറ്റണമെന്ന് കർശന നിർദേശം നൽകിയ കോടതി, ആറ്റുകാൽ അമ്മ തെരഞ്ഞെടുപ്പിന് മത്സരിക്കുന്നുണ്ടോ – എന്നും ചോദിച്ചു. സ്പോൺസർമാരുടെ മുഖങ്ങൾ കാണാനാണ് ബോർഡുകൾ വയ്ക്കുന്നതെന്നും കോടതി നിരീക്ഷിച്ചു. അനധികൃത ഫ്ലക്സ് ബോർഡുകളുമായി ബന്ധപ്പെട്ട ഹർജി പരിഗണിക്കുന്നതിനിടെയായിരുന്നു ഹൈക്കോടതിയുടെ ചോദ്യങ്ങൾ.
