കൊല്ലം: കല്ലുവാതുക്കൽ പഞ്ചായത്തിൽ ബി.ജെ.പിക്കെതിരെ യു ഡി എഫ് കൊണ്ടുവന്ന അവിശ്വാസ പ്രമേയം എൽ ഡി എഫ് പിന്തുണച്ചതോടെ പാസായി. 23 അംഗ പഞ്ചായത്ത് കമ്മിറ്റിയിൽ ബി ജെ പിക്ക്‌ 9, യു ഡി എഫിന് 8, എൽ ഡി എഫിന് 6 എന്നിങ്ങനെയാണ് കക്ഷിനില. അവിശ്വാസ പ്രമേയത്തിൽ എൽ ഡി എഫ് പിന്തുണച്ചതോടെ 14 വോട്ടിനാണ് പ്രമേയം പാസായത്.
ഇതോടെ ബി ജെ പിയുടെ ഗ്രാമപഞ്ചായത്ത് പ്രസിഡന്റ് എസ്. സുദീപ, വൈസ് പ്രസിഡന്റ് എസ്. സത്യപാലൻ എന്നിവർ പുറത്തായി. പുതിയ പ്രസിഡന്റ്, വൈസ് പ്രസിഡന്റ് സ്ഥാനങ്ങളിലേക്കുള്ള തെരഞ്ഞെടുപ്പ് പിന്നീട് നടക്കും.
കൊല്ലം ജില്ലയിൽ ബി ജെ പി ഭരിക്കുന്ന ഏക ഗ്രാമപഞ്ചായത്തായിരുന്നു കല്ലുവാതുക്കൽ. 20 വർഷമായി എൽ.ഡി.എഫ് ഭരിച്ച കല്ലുവാതുക്കൽ പഞ്ചായത്ത് കഴിഞ്ഞ തവണയാണ് ബി.ജെ.പി ഭരണം പിടിച്ചത്.
