തൃശൂർ: തൃശൂർ നെടുപുഴയിൽ നിന്ന് നാല് കിലോ കഞ്ചാവും 70 ഗ്രാം എംഡിഎംഎയുമായി മൂന്ന് പേർ പിടിയിൽ. അറസ്റ്റിലായവരിൽ സഹോദരങ്ങളും ഉൾപ്പെടുന്നു. തൃശൂർ നെടുപുഴ സ്വദേശികളായ ആജ്ഞേയനൻ (19), അലൻ (19), അരുൺ (24) എന്നിവരാണ് പിടിയിലായത്.
ഇതില്‍ അലനും അരുണും സഹോദരങ്ങളാണ്.
അലനും അരുണും താമസിക്കുന്ന വാടക വീട്ടിൽ നിന്നാണ് ലഹരി വസ്തുക്കൾ പിടിച്ചെടുത്തത്. എക്‌സൈസ് ഉദ്യോഗസ്ഥരെ കണ്ടതോടെ രണ്ട് പേർ സംഭവസ്ഥലത്ത് നിന്നും ഓടി രക്ഷപെട്ടു. ഇവർ ബെംഗളൂരുവിൽ നിന്നാണ് ലഹരി വസ്തുക്കൾ എത്തിക്കുന്നതെന്നും. വാടക വീട്ടിൽ വെച്ചാണ് ഇവ കച്ചവടം ചെയ്യുന്നതെന്നും പോലീസ് പറഞ്ഞു. അലന്‍റെയും അരുണിന്‍റെയും അച്ഛൻ ജീവിച്ചിരിപ്പില്ല. അമ്മ വിദേശത്ത് ജോലി ചെയ്യുകയാണ്.
