കോട്ടയം: കോട്ടയത്ത് ചാലുകുന്നിൽ സ്കൂൾ വളപ്പിലേക്ക് സമീപവാസി മാലിന്യങ്ങൾ വലിച്ചെറിഞ്ഞു. ആസിഡ് അടക്കമുള്ള മാലിന്യങ്ങൾ വീണ് കുട്ടികൾക്ക് അസ്വസ്ഥത അനുഭവപ്പെട്ടു. ചാലുകുന്ന് ലിഗോറിയന്‍ സ്‌കൂള്‍ വളപ്പിലാണ് സംഭവം.
ആസിഡിന്റെ കുപ്പി പൊട്ടി പുക പുറത്തുവന്നാണ് കുട്ടികള്‍ക്ക് അസ്വസ്ഥത അനുഭവപ്പെട്ടത്. തുടര്‍ന്ന് എട്ട് കുട്ടികളെ കോട്ടയം ജില്ലാ ആശുപത്രിയില്‍ പ്രവേശിപ്പിച്ചു. ഇതില്‍ ആറ് കുട്ടികളെ ഡിസ്ചാര്‍ജ് ചെയ്തു. രണ്ടു കുട്ടികള്‍ ചികിത്സയിലാണ്. വയറുവേദന, തലവേദന, തളര്‍ച്ച തുടങ്ങിയ അസ്വസ്ഥതകളാണ് കുട്ടികള്‍ക്ക് അനുഭവപ്പെട്ടത്. പോലീസ്, അഗ്‌നി രക്ഷാ സേന എന്നിവര്‍ എത്തി സ്ഥലത്ത് ഫോം അടിച്ചു.
വ്യാഴാഴ്ചയാകാം മാലിന്യം നിക്ഷേപിച്ചതെന്നാണ് വിവരം. അതേസമയം, സ്‌കൂളിന്റെ മാലിന്യങ്ങള്‍ തന്റെ സ്ഥലത്തേക്ക് നിക്ഷേപിക്കുകയായിരുന്നെന്നും ഇത് തിരിച്ചിടുക മാത്രമാണ് ചെയ്തതെന്നും ആരോപണവിധേയന്‍ പ്രതികരിച്ചു
