കോട്ടയം: മുണ്ടക്കയത്ത് പതിമൂന്ന് മൂർഖൻ കുഞ്ഞുങ്ങളെ കണ്ടെത്തി. മുണ്ടക്കയം പശ്ചിമ കൊട്ടാരംകട റോഡിലെ മരത്തിന്റെ വേരിനടിയിലെ പൊത്തിൽ നിന്നുമാണ് പാമ്പിൻകുഞ്ഞികളെ കണ്ടെത്തിയത്. ഇന്നലെ വൈകീട്ട് 5 മണിയോടെയായിരുന്നു സംഭവം.
പാമ്പിനെ കണ്ടതിനെ തുടർന്ന് നാട്ടുകാർ വനംവകുപ്പിനെ വിവരമറിയിക്കുകയായിരുന്നു. വനംവകുപ്പ് സർപ്പ ടീം ജീവനക്കാരായ സുധീഷ്, റെജി എന്നിവരെത്തിയാണ് പാമ്പിൻ കുഞ്ഞുങ്ങളെ പിടികൂടിയത്. പിടികൂടിയ പാമ്പിൻ കുഞ്ഞുങ്ങളെ പിന്നീട് വന മേഖലയിൽ തുറന്നു വിടുമെന്ന് വനം വകുപ്പ് അധികൃതർ അറിയിച്ചു.
