കോഴിക്കോട്: തുണി അലക്കുന്നതിനിടെ സമീപത്തുണ്ടായിരുന്ന പ്ലാവിൽ നിന്നും ചക്ക തലയിൽ വീണ് പരിക്കേറ്റ വീട്ടമ്മ മരിച്ചു. തിരിച്ചിലങ്ങാടി ഉണ്ണിയാലിങ്ങൽ കോലഞ്ചേരി മിനി (53) ആണ് മരിച്ചത്. ഗുരുതരമായി പരിക്കേറ്റ വീട്ടമ്മ ചികിത്സയിലിരിക്കെയാണ് മരിച്ചത്. കഴിഞ്ഞ വ്യാഴാഴ്ചയായിരുന്നു ഇവർ വീട്ടിൽ വസ്ത്രങ്ങൾ അലക്കുന്നതിനിടെ തലയിലേക്ക് ചക്ക വീണത്.
പരിക്കേറ്റ് അബോധാവസ്ഥയിലായ മിനിയെ ഉടൻ തന്നെ കോഴിക്കോട് മെഡിക്കൽ കോളേജ് ആശുപത്രിയിൽ പ്രവശിച്ചിരുന്നു. നട്ടെല്ലിന് ക്ഷതം പറ്റിയ മിനി തീവ്രപരിചരണ വിഭാഗത്തിൽ ചികിത്സയിലിരിക്കെയാണ് മരിച്ചത്.
