കണ്ണൂര്: തളിപ്പറമ്പ് നഗരത്തില് വന് തീപിടിത്തം. തളിപ്പറമ്പ് ബസ് സ്റ്റാൻഡിന് സമീപത്തെ വ്യാപാര കേന്ദ്രത്തിലാണ് തീപിടിത്തം
വൈകുന്നേരം അഞ്ചോടെ കെ ബി ആർ കോംപ്ലക്സിലാണ് അപകടം. നിരവധി കടകള് കത്തി നശിച്ചു. കണ്ണൂർ, തളിപ്പറമ്പ് എന്നിവിടങ്ങളിലെ അഗ്നിരക്ഷാ സേനയുടെ യൂണിറ്റുകള് സ്ഥലത്തെത്തി.
നാല് നില കെട്ടിടത്തിലാണ് തീ പടര്ന്നത്. തുടര്ന്ന് തീ മറ്റു കെട്ടിടങ്ങളിലേക്കും പടര്ന്നു പിടിച്ചു. പത്തിലേറെ കടകള് കത്തിനശിച്ചു. തീയണയ്ക്കാൻ ശ്രമം തുടരുകയാണ്. ഒരു ഭാഗത്തെ തീ നിയന്ത്രണ വിധേയമായതായാണ് അഗ്നിരക്ഷാ ഉദ്യോഗസ്ഥർ പറയുന്നത്. എന്നാല് തീ പൂർണമായും അണയ്ക്കാൻ സാധിച്ചിട്ടില്ല. ഷോർട് സർക്യൂട്ടാണ് തീപിടിത്തത്തിന് കാരണം എന്നാണ് പ്രാഥമിക നിഗമനം. തീപിടിത്തം ശ്രദ്ധയില്പ്പെട്ട ഉടനെ പ്രദേശത്ത് നിന്നും ആളുകള് ഒഴിഞ്ഞതിനാല് ആളപായം ഒഴിവായി.
