തൃശൂർ : ആമ്പല്ലൂരിൽ സ്കൂട്ടർ വൈദ്യുതിതൂണിൽ ഇടിച്ച് വിദ്യാർഥിനി മരിച്ചു. ഒപ്പമുണ്ടായിരുന്ന വിദ്യാർഥിനിക്ക് പരിക്ക്. വരന്തരപ്പിള്ളി നന്തിപുലം മാഞ്ഞൂർ കുറുവത്ത് വീട്ടിൽ സാജന്‍റെ മകളും കൊച്ചി അമൃത ഇൻസ്റ്റിറ്റ്യൂട്ടിലെ റേഡിയോളജി വിഭാഗം വിദ്യാർഥിയുമായ ഇന്ദുപ്രിയ(20) ആണ് മരിച്ചത്.
വെള്ളിയാഴ്ച വൈകീട്ട് ആറോടെ ചിമ്മിനി ഡാം കണ്ട് മടങ്ങുന്നതിനിടെ പാലപ്പിള്ളി വലിയകുളത്താണ് അപകടം. തലയ്ക്ക് പരിക്കേറ്റ ഇന്ദുപ്രിയയെ നാട്ടുകാർ വേലൂപ്പാടത്തെ സ്വകാര്യ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. സഹപാഠികളായ നാലുപേർ ചേർന്ന് രണ്ട് സ്കൂട്ടറിലാണ് ഡാം കാണാൻ പോയത്.
