മലപ്പുറം: മുൻപ് എംഡിഎംഎ കേസിൽ അറസ്റ്റിലായ പ്രതിയുടെ വീട്ടിൽ നിന്നും ഒന്നര കിലോ എംഡിഎംഎ കണ്ടെത്തി. കരിപ്പൂർ മുക്കൂട് മുള്ളൻ മടക്കൽ ആഷിഖിന്റെ വീട്ടിൽ നിന്നാണ് പോലീസ് എംഡിഎംഎ പിടിച്ചെടുത്തത്. മലപ്പുറം ജില്ലാ പൊലീസ് മേധാവിയുടെ നേതൃത്വത്തിലുള്ള ഡാൻസാഫ് സംഘം നടത്തിയ പരിശോധനയിൽ ഇന്ന് പുലർച്ചെയാണ് യുവാവിന്റെ വീട്ടിൽ നിന്നും എംഡിഎംഎ പിടികൂടിയത്.
പിടിച്ചെടുത്ത എംഡിഎംഎ പ്രതി ആഷിഖ് വിദേശത്ത് നിന്നും എത്തിച്ചതാണ് എന്ന് കണ്ടെത്തി. യുവാവ് നിലവിൽ എംഡിഎംഎ കേസിൽ എറണാകുളം മട്ടാഞ്ചേരി പൊലീസിൻ്റെ കസ്റ്റഡിയിലാണുള്ളത്. പശ്ചിമ കൊച്ചിയില്‍ നിന്ന് ഫെബ്രുവരി മാസം അഞ്ഞൂറ് ഗ്രാം എംഡിഎംഎ കണ്ടെത്തിയ സംഭവത്തിലെ പ്രധാന പ്രതിയാണ് ആഷിഖ്. ഇയാൾ ഒമാനിൽ നിന്നാണ് ലഹരി എത്തിച്ചിരുന്നത്. അന്തർ ദേശീയ മയക്കുമരുന്ന് ശൃംഖലയുമായി ആഷിഖിന് ബന്ധമുണ്ടെന്ന് പോലീസ് സംശയിക്കുന്നു. സ്ത്രീകളടക്കം നിരവധിപേർ ഇയാളുടെ സംഘത്തിലുണ്ട്
