കോഴിക്കോട്: ആളൊഴിഞ്ഞ പഴയ കെട്ടിടത്തിൽ യുവാവിന്റെ മൃതദേഹം. പയ്യോളി സ്വദേശിയായ യുവാവിന്റെ മൃതദേഹമാണ് കണ്ടെത്തിയത്. അയനിക്കാട് പുന്നോളിക്കണ്ടി 25കാരനായ അര്‍ഷാദിനെയാണ്, കൊപ്ര ബസാറിന് സമീപത്തെ മയക്കുമരുന്ന് സംഘങ്ങളുടെ താവളമായ കെട്ടിടത്തില്‍ മരിച്ച നിലയില്‍ കണ്ടെത്തിയത്.
കഴിഞ്ഞ ദിവസം രാവിലെയോടെയാണ് സംഭവം. ഈ കെട്ടിടവും പരിസരവും മയക്കുമരുന്ന് സംഘങ്ങളുടെ താവളമാണെന്ന് പ്രദേശവാസികള്‍ പറയുന്നു. മൃതദേഹം കോഴിക്കോട് മെഡിക്കല്‍ കോളേജ് ആശുപത്രിയില്‍ പോസ്റ്റ്‌മോര്‍ട്ടം ചെയ്ത ശേഷം ബന്ധുക്കള്‍ക്ക് വിട്ടുനല്‍കി. തുടര്‍ന്ന് അയനിക്കാട് ഹൈദ്രോസ് ജുമാ മസ്ജിദില്‍ ഖബറടക്കി. അര്‍ഷാദിന്റെ പിതാവ്: അബ്ദുല്‍ സലാം. ഉമ്മ: ഹാജറ. സഹോദരങ്ങള്‍: ആസിഫ്, ആസിഫ.
