ഓടിക്കൊണ്ടിരിക്കുന്ന ബിഎംഡബ്ലിയു കാറിന് തീ പിടിച്ചു ഡ്രൈവർ പുറത്തേക്കു ഓടിയതിനാൽ വൻ ദുരന്തം ഒഴിവായി
തിരുവനന്തപുരം: തിരുവനന്തപുരത്ത് ഓടിക്കൊണ്ടിരിക്കുന്ന ബിഎംഡബ്ലിയു കാറിന് തീ പിടിച്ചു. ബോണറ്റിൽ നിന്നു പുക ഉയരുന്നതു കണ്ടയുടൻ കാർ യാത്രികനായ കൃഷ്ണനുണ്ണി പുറത്തേക്ക് ഓടിയതിനാൽ വൻ ദുരന്തമാണ് ഒഴിവായത്. ഇന്ന് വൈകിട്ട് 5:30 ഓടെ മുതലപ്പൊഴി ഹാർബറിന് സമീപമാണ് അപകടം നടന്നത്. വർക്കല സ്വദേശിയും ടെക്നോ പാർക്ക് ജീവനക്കാരനുമായ കൃഷ്ണ്ണനുണ്ണി വർക്കലയിൽ നിന്നും ടെക്നോപാർക്കിലേക്ക് പോകുമ്പോഴാണ് അപകടം ഉണ്ടായത്. കോസ്റ്റൽ പൊലീസും നാട്ടുകാരും ചേർന്നാണ് തീ നിയന്ത്രണ വിധേയമാക്കിയത്. അതേസമയം, കാറിന് 12 വർഷത്തെ പഴക്കമുണ്ടെന്ന് പൊലീസ് അറിയിച്ചു.
