ഡല്ഹി: ക്രിസ്മസ്-പുതുവത്സര ആഘോഷങ്ങള് ആരംഭിക്കാനിരിക്കെ രാജ്യത്തെ ബാങ്കിംഗ് മേഖലയില് അവധി ദിനങ്ങള് വരുന്നു.
ആർബിഐയുടെ ഔദ്യോഗിക കലണ്ടർ പ്രകാരം, നാളെ (ഡിസംബർ 24) മുതല് പല സംസ്ഥാനങ്ങളിലും ബാങ്കുകള്ക്ക് അവധിയായിരിക്കും. പ്രാദേശികമായ പ്രത്യേകതകള് അനുസരിച്ച് ഓരോ സംസ്ഥാനങ്ങളിലും അവധി ദിനങ്ങളില് മാറ്റമുണ്ടാകും.
ഡിസംബർ 25: രാജ്യവ്യാപക അവധി
ഡിസംബർ 25-ന് ക്രിസ്മസ് പ്രമാണിച്ച് ഇന്ത്യയിലുടനീളമുള്ള എല്ലാ ബാങ്കുകളും അടഞ്ഞുകിടക്കും. എന്നാല് വടക്കുകിഴക്കൻ സംസ്ഥാനങ്ങളില് ഡിസംബർ 24 മുതല് തുടർച്ചയായ അവധികളാണ് വരുന്നത്.
ബാങ്ക് അവധി കലണ്ടർ ഇതാ (2025 ഡിസംബർ)
ഡിസംബർ 24 (ക്രിസ്മസ് രാവ്): ഐസ്വാള്, കൊഹിമ, ഷില്ലോങ് എന്നിവിടങ്ങളില് അവധി.
ഡിസംബർ 25 (ക്രിസ്മസ്): രാജ്യവ്യാപകമായി എല്ലാ ബാങ്കുകളും അടച്ചിടും.
ഡിസംബർ 26: ക്രിസ്മസ് ആഘോഷങ്ങളുടെ ഭാഗമായി ഐസ്വാള്, കൊഹിമ, ഷില്ലോങ് എന്നിവിടങ്ങളില് അവധി.
ഡിസംബർ 27: കൊഹിമയില് ബാങ്കുകള്ക്ക് അവധി.
ഡിസംബർ 30: യു കിയാങ് നങ്ബയുടെ ചരമവാർഷികം പ്രമാണിച്ച് ഷില്ലോങ്ങില് അവധി.
ഡിസംബർ 31: പുതുവത്സരാഘോഷം/ഇമോയ്നു ഇരത്പ പ്രമാണിച്ച് ഐസ്വാളിലും ഇംഫാലിലും അവധി.
ഇടപാടുകാർ ശ്രദ്ധിക്കാൻ
ബാങ്കുകള്ക്ക് അവധിയാണെങ്കിലും എടിഎമ്മുകള്, നെറ്റ് ബാങ്കിംഗ്, മൊബൈല് ബാങ്കിംഗ്, യുപിഐ സേവനങ്ങള് തടസ്സമില്ലാതെ ലഭ്യമാകും. എന്നാല് ചെക്ക് ക്ലിയറിംഗ്, ബാങ്ക് കൗണ്ടറുകള് വഴിയുള്ള നേരിട്ടുള്ള പണമിടപാടുകള് എന്നിവ അവധി ദിനങ്ങളില് നടക്കില്ല. അതിനാല് അത്യാവശ്യ ഇടപാടുകള് മുൻകൂട്ടി പ്ലാൻ ചെയ്യുക.
