തൃശൂർ: ടോറസ് ലോറിക്ക് പിന്നിലായി കാറിടിച്ചുണ്ടായ അപകടത്തിൽ ഡോക്ടർ മരിച്ചു. തൃശൂർ ശ്രീനാരായണപുരത്തായിരുന്നു സംഭവം. കൊല്ലം കടപ്പാക്കട സ്വദേശിയായ ഡോ. പീറ്റർ ആണ് മരിച്ചത്. ഇന്ന് പുലർച്ചെയായിരുന്നു അപകടം. പൂവുത്തുംകടവ് സർവ്വീസ് സഹകരണ ബാങ്കിനടുത്ത് ദേശീയ പാതയിലായിൽ വെച്ചാണ് സംഭവമുണ്ടായത്. അപകടത്തെത്തുടർന്ന് സാരമായി പരിക്കേറ്റ പീറ്ററിനെ കൊടുങ്ങല്ലൂരിലെ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാൻ കഴിഞ്ഞില്ല. മൃതദേഹം പോസ്റ്റ്‌മോർട്ടത്തിന് ശേഷം കുടുംബത്തിന് വിട്ടുനൽകും
