News

ആലപ്പുഴ: ബലം പ്രയോഗിച്ച് കുപ്പിയിലുണ്ടായിരുന്ന ദ്രാവകം മണപ്പിച്ചതിനെത്തുടർന്ന് ആറാം ക്ലാസ് വിദ്യാർത്ഥി അവശനിലയിൽ. ഒരു കൂട്ടം യുവാക്കളാണ് 12 കാരനായ മുഹമ്മദ് മിസ്ബിനെ ദ്രാവകം മണപ്പിച്ചത്. തിങ്കളാഴ്ച വൈകീട്ട് 6.45 നായിരുന്നു സംഭവം. ആലപ്പുഴ സ്റ്റേഡിയം വാർഡിൽ സുൽഫിക്കറിന്റെ മകനാണ് മുഹമ്മദ് മിസ്ബിൻ. ദ്രാവകം മണത്ത് അവശനിലയിലായ കുട്ടിയെ ആശുപത്രിയിലെ തീവ്രപരിചരണ വിഭാഗത്തിൽ പ്രവേശിപ്പിച്ചു. സംഭവത്തെ പറ്റി കുട്ടിയുടെ പിതാവും പൊലീസും പറയുന്നത് ഇങ്ങനെ, ബീച്ചിനടുത്തുള്ള കളിസ്ഥലത്തുനിന്ന്‌ ഫുട്ബോൾ കളി കഴിഞ്ഞ് ആറു കൂട്ടുകാർക്കൊപ്പം സൈക്കിളിൽ വീട്ടിലേക്കു…

തിരുവനന്തപുരം: മുഖ്യമന്ത്രിയുടെ വാഹനവ്യൂഹത്തിൽ ലോക്കൽ പോലീസിന്റെ ജീപ്പിടിച്ച് അപകടം. വെഞ്ഞാറമൂട് പള്ളിക്കലിൽ എത്തിയപ്പോഴാണ് കമാൻഡോ വാഹനത്തിന് പിന്നിൽ പോലീസ് ജീപ്പിടിച്ചത്. കടക്കൽ കോട്ടപ്പുറത്തെ പരിപാടി കഴിഞ്ഞതിന് മുഖ്യമന്ത്രി തിരിച്ചു വരുകയായിരുന്നു. സംഭവത്തിൽ ആർക്കും പരിക്കില്ല. കമാൻഡോ വാഹനത്തിന് അകമ്പടി പോകുകയായിരുന്ന പള്ളിക്കൽ പൊലീസ് സ്റ്റേഷന്റെ ജീപ്പാണ് പിന്നിലിടിച്ചത്. മുന്നിലെ വാഹനങ്ങൾ പെട്ടെന്ന് നിർത്തിയപ്പോഴാണ് അപകടമുണ്ടായത്. വാഹനത്തിന്റെ പിന്നിൽ ചെറിയ തകരാറുണ്ട് എന്നതൊഴിച്ചാൽ അപകടത്തിൽ ആർക്കും പരിക്കില്ല. അപ്പോൾ തന്നെ യാത്ര തുടരുകയും ചെയ്തു.