അപകടത്തിൽപ്പെട്ട കാറിൽ കഞ്ചാവും എംഡിഎംഎയും; ഒരാൾ പിടിയിൽ, ഒപ്പമുണ്ടായിരുന്ന ആൾ ഓടി രക്ഷപ്പെട്ടു
കോഴിക്കോട്: അപകടത്തിൽപെട്ട കാറിൽ നിന്ന് ലഹരിമരുന്ന് പിടികൂടി. താമരശ്ശേരിക്കടുത്ത് പൂനൂരിരിൽ പാലത്തിന് സമീപം അമിതവേഗതയിലെത്തിയ കാർ എതിരെ വന്ന വാഹനത്തിൽ ഇടിക്കുകയായിരുന്നു. തുടർന്ന് പോലീസെത്തി വാഹനം പരിശോധിച്ചപ്പോഴാണ് അപകടം സൃഷ്ടിച്ച കാറിൽ നിന്ന് കഞ്ചാവും എംഡിഎംഎയും പിടികൂടിയത്. രണ്ട് പേരാണ് അപകടം വരുത്തിവെച്ച കാറിൽ ഉണ്ടായിരുന്നത്. നരിക്കുനി സ്വദേശിയായ യുവാവിനെ ബാലുശ്ശേരി പൊലീസ് പിടികൂടി. കൂടെയുണ്ടായിരുന്ന ആൾ ഓടി രക്ഷപ്പെട്ടു.
