News

കുറ്റിപ്പുറം: കുറ്റിപ്പുറത്ത് സ്ത്രീയെ ട്രെയിൻ തട്ടി മരിച്ച നിലയിൽ കണ്ടെത്തി. കൈലാസ് കഴുത്തല്ലൂർ ഭാഗത്ത് താമസിക്കുന്ന മാടമ്പത്ത് പരേതനായ കരുണാകരൻ നായരുടെ ഭാര്യ ശാരദാമ്മയാണ് ഇന്ന് (തിങ്കൾ) രാവിലെ മഞ്ചാടിക്ക് സമീപം ട്രെയിൻ തട്ടി മരിച്ച നിലയിൽ റെയിൽവേ പാളത്തിൽ കാണപ്പെട്ടത്. വർഷങ്ങളായി പലഹാരങ്ങൾ ഉണ്ടാക്കി കടകളിലും വീടുകളിലും വിൽപ്പന നടത്തി വരികയായിരുന്നു ഇവർ.

തിരുവനന്തപുരം: കുളത്തിൽ കുളിക്കാൻ പോയ പതിനാലുകാരന് ദാരുണാന്ത്യം. വെള്ളറട ചിമ്മണ്ടിക്കുളത്തിലാണ് കുന്നത്തുകാല്‍ ചാവടി പുളിയറത്തല വിജയന്‍ – കല ദമ്പതികളുടെ മകന്‍ അഭിനവ് മുങ്ങി മരിച്ചത്. അഭിനവും നാലു സുഹൃത്തുക്കളും കുളത്തില്‍ കുളിക്കാന്‍ പോയപ്പോൾ കുളത്തിന്റെ പടിക്കെട്ടിൽ നിന്നും കാല്‍ വഴുതി വെള്ളത്തില്‍ വീഴുകയായിരുന്നു. ഒപ്പമുണ്ടായിരുന്ന മൂന്നു സുഹൃത്തുക്കള്‍ക്കും നീന്തല്‍ അറിയില്ലായിരുന്നു. കുട്ടികളുടെ നിലവിളികേട്ട് നാട്ടുകാരെത്തിയാണ് അഭിനവിനെ പുറത്തെത്തിച്ചത്. ഉടന്‍തന്നെ കാരക്കോണം മെഡിക്കല്‍ കോളേജില്‍ എത്തിച്ചെങ്കിലും ജീവന്‍ രക്ഷിക്കാനായില്ല. കാരക്കോണം പി.പി.എം.എച്ച്.എസ്സില്‍ പത്താം ക്ലാസില്‍ പരീക്ഷ എഴുതി…

മലപ്പുറം: റബർ തോട്ടത്തിൽ പടർന്ന തീ അണയ്ക്കാനുള്ള ശ്രമത്തിനിടെ പൊള്ളലേറ്റ് ഒരാൾക്ക് ദാരുണാന്ത്യം. ചീനിക്കുന്ന് മുണ്ടമ്പ്ര ഷൗക്കത്ത് (62) ആണ് മരിച്ചത്. മൂത്തേടത്താണ് സംഭവം. അടിക്കാടിന് തീ പിടിച്ചത് പടരുന്നത് തടയാൻ ശ്രമിക്കുന്നതിനിടെയാണ് ഷൗക്കത്ത് അപകടത്തിൽപ്പെട്ടത്

പത്തനംതിട്ട: ഭർത്താവും ഭാര്യയും മദ്യലഹരിയിൽ വാക്കുതർക്കം നടത്തുന്നതിനിടയിൽ വിറകുകൊണ്ടുള്ള അടിയേറ്റ് ഭർത്താവ് മരിച്ചു. അട്ടത്തോട് സ്വദേശി 53 വയസുകാരന്‍ രത്‌നാകരനാണ് കൊല്ലപ്പെട്ടത്. ഭാര്യ ശാന്തമ്മ മദ്യലഹരിയില്‍ വിറക് കമ്പ് കൊണ്ട് തലയ്ക്കടിക്കുകയായിരുന്നു എന്ന് പോലീസ് പറയുന്നു. രത്‌നാകരനെ നിലയ്ക്കല്‍ ആശുപത്രിയില്‍ എത്തിച്ചെങ്കിലും മരിച്ചു. രത്‌നാകരനും ശാന്തമ്മയും മദ്യലഹരിയില്‍ വാക്ക് തര്‍ക്കം നടന്നുവെന്നും പ്രകോപനത്തില്‍ ശാന്തമ്മ വിറക് കമ്പ് കൊണ്ട് തലക്കടിച്ചിരിക്കാമെന്നുമാണ് പോലീസ് നിഗമനം. മൃതദേഹം പത്തനംതിട്ട ജനറല്‍ ആശുപത്രിയിലേക്ക് മാറ്റി