പാലക്കാട്: ജീപ്പും സ്കൂട്ടറും കൂട്ടിയിടിച്ചുണ്ടായ അപകടത്തിൽ കോളേജ് അധ്യാപകൻ ദാരുണാന്ത്യം. ഒറ്റപ്പാലം ലക്കിടി കൂട്ടുപാതയിലായിരുന്നു അപകടം. ലക്കിടി നെഹ്റു കോളേജിലെ അസിസ്റ്റൻ്റ് പ്രൊഫസറായ അക്ഷയ് ആർ മേനോൻ ആണ് മരിച്ചത്. ഇദ്ദേഹം പാലക്കാട് നിന്ന് ലക്കിടിയിലുള്ള കോളേജിലേക്ക് വരുന്നതിനിടെയായിരുന്നു അപകടം. അപകടത്തെത്തുടർന്ന് ഇദ്ദേഹത്തിൻ്റെ തലയ്ക്ക് ഗുരുതരമായി പരിക്കേറ്റിരുന്നു. ഉടൻ തന്നെ ഇദ്ദേഹത്തെ ഒറ്റപ്പാലത്തെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല. നിലവിൽ മൃതദേഹം ആശുപത്രിയിൽ സൂക്ഷിച്ചിരിക്കുകയാണ്. പോസ്റ്റുമോർട്ടത്തിന് ശേഷം മൃതദേഹം കുടുംബത്തിന് വിട്ടുനൽകും
