വടകരയിൽ ശൈലജ, കൊല്ലത്ത് മുകേഷ്; ലോക്സഭാ തെരഞ്ഞെടുപ്പിൽ കരുത്തന്മാരെ അണിനിരത്താൻ സിപിഎം, സ്ഥാനാർത്ഥികളെ തീരുമാനിച്ചു
തിരുവനന്തപുരം: ലോക്സഭാ തിര‌ഞ്ഞെടുപ്പിൽ സി.പി.എം മത്സരിക്കുന്ന 15 സീറ്റുകളിൽ സ്ഥാനാർത്ഥി ധാരണയായി. വടകരയിൽ കെ കെ ഷൈലജയും കണ്ണൂരിൽ എം വി ജയരാജനും മത്സരിക്കും. ചാലക്കുടിയിൽ സി രവീന്ദ്രനാഥും പത്തനംതിട്ടയിൽ തോമസ് ഐസക്കും മത്സരിക്കും. ഔദ്യോഗിക പ്രഖ്യാപനം ഈ മാസം 26 ന് നടത്തും.
പട്ടിക ഇങ്ങനെ
ആറ്റിങ്ങൽ: വി.ജോയ് എം.എൽ.എ, കണ്ണൂർ: എം.വി. ജയരാജൻ, കാസർകോട്: എം.വി. ബാലകൃഷ്ണൻ (മൂവരും ജില്ലാ സെക്രട്ടറിമാർ), കൊല്ലം: എം.മുകേഷ് എം.എൽ.എ, ആലപ്പുഴ: സിറ്റിംഗ് എം.പി എ.എം.ആരിഫ്, പത്തനംതിട്ട: തോമസ് ഐസക്, ഇടുക്കി: ജോയ്സ് ജോർജ്ജ്, ആലത്തൂർ: മന്ത്രി കെ.രാധാകൃഷ്ണൻ, പാലക്കാട്: എ.വിജയരാഘവൻ, ചാലക്കുടി: സി.രവീന്ദ്രനാഥ്, പൊന്നാനി: കെ എസ് ഹംസ (മുൻ ലീഗ് നേതാവ്) കോഴിക്കോട്: എളമരം കരീം, വടകര: കെ.കെ ശൈലജ എം.എൽ.എ, മലപ്പുറം: വി.വസീഫ് (ഡി.വൈ.എഫ്.ഐ സംസ്ഥാന പ്രസിഡന്റ്), എറണാകുളം: കെ ജെ ഷൈൻ (കെഎസ്ടിഎ നേതാവ് )
