കൊച്ചി: കളമശേരി പോളിടെക്നിക്ക് കഞ്ചാവ് കേസിലെ കൊല്ലം സ്വദേശിയായ വിദ്യാർത്ഥി പിടിയിൽ. ഹോസ്റ്റലിൽ കഞ്ചാവ് എത്തിച്ചു നൽകുകയും പണമിടപാടുകൾ നടത്തുകയും ചെയ്ത പോളിടെക്നിക്കിലെ മൂന്നാം വര്‍ഷ വിദ്യാര്‍ത്ഥിയായ അനുരാജ് ആണ് പിടിയിലായത്. ഇന്നലെ രാത്രിയാണ് അനുരാജ് പിടിയിലായത്.
അനുരാജിന്‍റെ സാമ്പത്തിക ഇടപാടുകളടക്കം പരിശോധിക്കുമെന്ന് പൊലീസ് അറിയിച്ചു. അനുരാജ് ആണ് ഹോസ്റ്റലിലേക്ക് കഞ്ചാവ് എത്തിച്ചതെന്നും പണമിടപാടുകൾ നടത്തിയതെന്നും പിടിയിലായ മറ്റു പ്രതികള്‍ മൊഴി നൽകിയിരുന്നു. അനുരാജ് നാലു കിലോ കഞ്ചാവ് വാങ്ങിയിരുന്നതായാണ് വിവരം. ഇതിൽ രണ്ടു കിലോ കഞ്ചാവ് ആണ് കളമശേരി പോളിടെക്നിക്ക് ഹോസ്റ്റലിൽ എത്തിച്ചത്.
