അമിത വേഗത്തിലെത്തിയ കാർ ഇടിച്ച് ഗുരുതരമായി പരിക്കേറ്റയാൾ മരിച്ചു
തിരുവനന്തപുരം: കൂവക്കുടിയിൽ അമിത വേഗത്തിലെത്തിയ കാർ ഇടിച്ച് ഗുരുതരമായി പരിക്കേറ്റയാൾ മരിച്ചു. ഞായറാഴ്ച വൈകിട്ട് നാലുമണിയോടെ കൂവക്കുടി പാലത്തിന് സമീപമായിരുന്നു അപകടമുണ്ടായത്. കണ്ണമ്പള്ളി ലളിത ഭവനിൽ ബിജു(42) ആണ് മരിച്ചത്. സമീപത്തെ ക്ഷേത്രത്തിലെ ഉത്സവവുമായി ബന്ധപ്പെട്ട് റോഡരികിൽ ലൈറ്റുകളിട്ടുകൊണ്ടിരിക്കുകയായിരുന്നു ബിജു. ഈ സമയം വെള്ളനാട്ട് നിന്ന് നെടുമങ്ങാട്ടേക്ക് പോവുകയായിരുന്ന കാർ നിയന്ത്രണം വിട്ട് ബിജുവിനെ ഇടിച്ച് തെറിപ്പിക്കുകയായിരുന്നു. കാർ ബിജുവിനെ ഇടിച്ച ശേഷം സമീപത്തെ കടയുടെ മുൻവശവും തകർത്തു. പിന്നീട് റോഡരികിൽ പാർക്ക് ചെയ്തിരുന്ന മിനി ലോറിയിൽ…
