പത്തനംതിട്ട: കൂടലിൽ 13 കാരൻ പിതാവിൻ്റെ ക്രൂരമർദ്ദനമേറ്റ സംഭവത്തിൽ പ്രതിയായ രാജേഷ് കുമാർ അറസ്റ്റിൽ. സംരക്ഷിക്കാൻ ബാധ്യസ്ഥനായ പിതാവ് മകനെ ദേഹോപദ്രവം ഏൽപ്പിച്ച് അപായപ്പെടുത്താൻ ശ്രമിച്ചതായി എഫ് ഐ ആർ. കുട്ടിയുടെ മർമ്മ ഭാഗത്തും തുടയിലും വയറിലും ബെൽറ്റ് കൊണ്ട് അടിക്കുന്നതിൻ്റെ ദൃശ്യങ്ങൾ പോലീസിന് ലഭിച്ചിരുന്നു. ജുവനയിൽ ജസ്റ്റിസ് ആക്ട് ഉൾപ്പെടെയുള്ള വകുപ്പുകൾ ചുമത്തിയാണ് പോലീസ് കേസെടുത്തിരിക്കുന്നത്.
ഇന്നലെയാണ് സംഭവവുമായി ബന്ധപ്പെട്ട വീഡിയോ പുറത്ത് വന്നത്. ഇന്നലെ സംഭവത്തിൻ്റെ ദൃശ്യങ്ങൾ സഹിതം സി ഡബ്ല്യൂ സി പോലീസിന് പരാതി നൽകിയിരുന്നു. സി ഡബ്ല്യൂ സിയാണ് കൂടൽ പൊലീസ് സ്റ്റേഷനിലേക്ക് പരാതി നൽകിയത്. പോലീസിലേക്ക് പരാതി നൽകാൻ ധൈര്യമില്ലാത്തതിനെ തുടർന്ന് സി ഡബ്ല്യൂ സിയിൽ പരാതി നൽകുകയായിരുന്നു. അങ്ങനെയാണ് സി ഡബ്ല്യൂ എസ്ഐ പരാതി ഏറ്റെടുത്ത് പൊലീസിന് കൈമാറിയത്.
