ഗൂഡല്ലൂർ: ആശുപത്രിയിലെത്തി ചികിത്സ തേടിയത് കടിച്ച പാമ്പിനെയും പിടികൂടി ചാക്കിലാക്കി. നാടുകാണി പൊന്നൂർ സ്വദേശിയായ കണ്ണയ്യൻ (58) ആണു പാമ്പുമായി ആശുപത്രിയിലെത്തിയത്. പെരിയശോലയിലെ സ്വകാര്യ കാപ്പിത്തോട്ടത്തിൽ കാപ്പി പറിക്കുന്നതിനടയിൽ കാപ്പിച്ചെടിയുടെ മുകളിലിരുന്ന പാമ്പ് കണ്ണയ്യന്റെ തലയിൽ മൂന്ന് സ്ഥലത്തായി കടിച്ചു. കടിച്ച പാമ്പിനെ ഉടൻ കണ്ണയ്യൻ പിടികൂടി.
പാമ്പിനെയും കണ്ണയ്യനെയും കൂടെയുണ്ടായിരുന്ന മറ്റ് തൊഴിലാളികൾ ആശുപത്രിയിലെത്തിക്കുകയായിരുന്നു. കടിച്ച പാമ്പിനെ ഡോക്ടറെ കാണിക്കുന്നതിനാണ് ആശുപത്രിയിൽ കൊണ്ടുവന്നത്. പിന്നീട് പാമ്പിനെ സമീപത്തുള്ള വനത്തിൽ കൊണ്ടു പോയി തുറന്നു വിട്ടു. കണ്ണയ്യനെ ഊട്ടി മെഡിക്കൽ കോളജ് ആശുപത്രിയിലേക്ക് മാറ്റി
