തൃശൂർ: വധശ്രമമുൾപ്പെടെ നിരവധി കേസുകളിൽ പ്രതിയായ യുവാവിനെ പോലീസ് പിടികൂടി. കുന്നംകുളം പൊലീസാണ് പിടിയിലായത്. ലഹരി വസ്‌തുക്കളുടെ സഹായത്തോടെയുള്ള ക്രിമിനൽ കേസുകളിലും യുവാവ് പ്രതിയാണ്. പെരുമ്പിലാവ് സ്വദേശി കോട്ടപ്പുറത്ത് വീട്ടിൽ സനുവാണ് (26) പോലീസ് പിടിയിലായത്. കുന്നംകുളം മേഖലയിലെ എംഡിഎംഎ എത്തിച്ച് വിൽപ്പന നടത്തുന്ന സംഘത്തിലെ പ്രധാനിയാണ് യുവാവെന്ന് പൊലീസ് പറഞ്ഞു. പ്രതിക്കെതിരെ വധശ്രമം, കവർച്ച തുടങ്ങിയ കേസുകൾ വിവിധ സ്റ്റേഷനുകളിലുണ്ട്.
ഏതാനും മാസങ്ങൾക്ക് മുമ്പ് പെരുമ്പിലാവിൽ യുവാവിനെ ആക്രമിച്ച് കൊലപ്പെടുത്താൻ ശ്രമിച്ച കേസിൽ പ്രതിയെ പോലീസ് അറസ്റ്റ് ചെയ്തു. രണ്ടുവർഷമായി ഒളിവ് ജീവിതം നയിക്കുകയായിരുന്നു പ്രതിയെ പൊലീസിന് ലഭിച്ച രഹസ്യവിവരത്തെ തുടർന്ന് നടത്തിയ പരിശോധനയിലാണ് പിടികൂടാനായത്. സബ് ഇൻസ്പെക്ടർമാരായ വൈശാഖ്, സുനിൽകുമാർ, സീനിയർ സിവിൽ പോലീസ് ഓഫീസർ ഷിജിൻ പോൾ സിവിൽ പോലീസ് ഓഫീസർമാരായ അനൂപ്, അജിൽ, ബിജു തുടങ്ങിയവരാണ് പ്രതിയെ പിടികൂടിയത്.
