കോഴിക്കോട്: കോഴിക്കോട് കണ്ണഞ്ചേരിയിൽ പെട്രോൾ പമ്പിൽ ജീവനക്കാരനെ ക്രൂരമായി ആക്രമിച്ച് രണ്ട് പേരെ പിടികൂടി. അരക്കിണർ സ്വദേശികളായ സീമാൻ്റകത്ത് മുഹമ്മദ് റസീൻ, പുതിയപുരയിൽ മുഹമ്മദ് നിഹാൽ എന്നിവരെയാണ് പന്നിയങ്കര പോലീസ് അറസ്റ്റ് ചെയ്തത്. കണ്ണഞ്ചേരിയിലെ ഇൻഡ്യൻ ഓയിൽ കോർപ്പറേഷൻ്റെ പെട്രോൾ പമ്പിലെ ജീവനക്കാരനായ കാർത്തികി(22)നാണ് പരിക്കേറ്റത്. ആക്രമണത്തിൽ കവിളിൽ പരിക്കേറ്റ കാർത്തികിന് നാല് തുന്നലുകൾ വേണ്ടി വന്നു.
ഞായറാഴ്ച രാത്രി 11.30ഓടെയാണ് അനിഷ്ട സംഭവങ്ങളുണ്ടായത്. സ്‌കൂട്ടറിൽ എത്തിയ റസീനും നിഹാലും ആദ്യം എത്തിയത് തങ്ങളാണെന്ന് പറഞ്ഞുകൊണ്ട് വാക്കുതർക്കമുണ്ടാക്കുകയായിരുന്നു. പിന്നീടാണ് കാർത്തികിനെ ആക്രമിച്ചത്. പമ്പിലെ ജീവനക്കാരും പെട്രോള് അടിക്കാനെത്തിയവരും ഇരുവരെയും പിടിച്ചുമാറ്റാൻ ശ്രമിക്കുന്ന സിസിടിവി ദൃശ്യങ്ങൾ പുറത്തുവന്നിട്ടുണ്ട്.
അക്രമത്തിനിടെ കീ ചെയിൻ പോലുള്ള വസ്‌തു ഉപയോഗിച്ച് കാർത്തികിൻ്റെ കവിളിൽ കുത്തുന്നത് ദൃശ്യങ്ങളിൽ വ്യക്തമാണ്. ഒരു തരത്തിലുളളമായ ഒരു തരത്തിൽ ഒരുകൂട്ടം. കാർത്തികിനെ സമീപത്തെ സ്വകാര്യ ആശുപത്രിയിൽ പ്രവേശിപ്പിച്ച് ചികിത്സ നൽകി.
