ചേർത്തല: വിദേശത്ത് ജോലി വാഗ്ദാനം ചെയ്ത് പണം തട്ടിയ കേസിൽ രണ്ടുപേർ പിടിയിൽ. ആലപ്പുഴ ചേർത്തല സ്വദേശികളായ തറയിൽപ്പറമ്പ് വീട്ടിൽ ദിത്യ (20 ), അർത്തുങ്കൽ പടാകുളങ്ങര വീട്ടിൽ ദയാനന്ദ് (23) എന്നിവരെയാണ് ഞാറക്കൽ പോലീസ് അറസ്റ്റ് ചെയ്തത്.
വിദേശത്ത് ആളുകളെ ജോലിക്ക് കൊണ്ടുപോകുന്നതിനുള്ള ലൈസൻസും ജോബ് കൺസൾട്ടൻസിയും ഉണ്ടെന്നുപറഞ്ഞായിരുന്നു തട്ടിപ്പ്. പരാതിക്കാരിയുടെ ഭർത്താവിന് വിദേശത്ത് ജോലി ശരിയാക്കി നൽകാമെന്ന് പറഞ്ഞ് വിശ്വസിപ്പിച്ച് പലതവണകളായി 2,80,000 രൂപ തട്ടിയെന്നാണ് പരാതി.
ഞാറക്കൽ ഇൻസ്പെക്ടർ സുനിൽ തോമസ്, സബ് ഇൻസ്പെക്ടർ ‘ഷാഹിർ, സീനീയർ സിവിൽ പോലീസ് ഓഫീസർ പ്രീജൻ, സിവിൽ പോലീസ് ഓഫീസർ ഐശ്വര്യ എന്നിവരാണ് അന്വേഷണസംഘത്തിലുള്ളത്.
