തിരുവനന്തപുരം: സ്കൂൾ വണ്ടിയുടെ പിന്നിൽ സ്വകാര്യ ബസ് ഇടിച്ച് അപകടം. രണ്ട് വിദ്യാർത്ഥികൾക്കും നിരവധി യാത്രികർക്കും പരുക്ക്. ആയൂർ-ആറ്റിങ്ങൽ റൂട്ടിൽ ഓടുന്ന ബസ് നാവായിക്കുളം തട്ടുപാലത്ത് വച്ചാണ് വിദ്യാർത്ഥികളുമായി പോയ സ്കൂൾ വാനിൽ ഇടിച്ചത്. വാനിൻ്റെ പിന്നിൽ ബസ് വന്നിടിക്കുകയായിരുന്നു. പരിക്കേറ്റവരെ ആശുപത്രിയിൽ പ്രവേശിപ്പിച്ചു. ബസിൻ്റെ മുൻ ഭാഗത്തെ ഗ്ലാസ് പൂർണ്ണമായും തകർന്നു.
ഇന്ന് രാവിലെ ഒമ്പതുമണിയോടെയായിരുന്നു സംഭവം. ആയൂർ-ആറ്റിങ്ങൽ റൂട്ടിൽ സർവീസ് നടത്തുന്ന ഹബീബി എന്ന സ്വകാര്യ ബസ് ആണ് റോസ് ഡെയ്ൽ സ്കൂളിലെ വിദ്യാർത്ഥികൾ സഞ്ചരിച്ച വാനിൻ്റെ പിന്നിൽ ഇടിച്ച് അപകടമുണ്ടായതായി കല്ലമ്പലം പൊലീസ് പറഞ്ഞു. പ്രദേശത്ത് വാഹനാപകടം പതിവാണെങ്കിലും യാതൊരു സുരക്ഷാ സംവിധാനങ്ങളും അധിക്യതർ ഒരുക്കുന്നില്ലെന്ന് നാട്ടുകാർ പറയുന്നു.
